因为你话俾我知你要走
我再无睇过日落
亦都无再同人食宵夜
原来难过嘅日子
一样系好似唔会过去
然后又系一眨眼
至发觉已经过左好多年
我记得
你同我去过嘅每一个地方
我唔会再去
个啲茶座舞厅同花园
而家系点我唔知
个啲地方通通留喺我心里面
不过我知道
你唔记得嘅嘞
唔紧要
我一个人记住就得啦
我唔会讲我老啦
我只系会讲
我系度太耐
时间耐佐
难免知道人
总会慢慢咁将过去淡忘
又会睇住的嘢
无声无息咁样消失
我点解要走?
怪我自己啦
我先两日
唔知谂紧乜嘢
无端端走咗去睇日落
个日落就同我记得
陪住你睇既嗰个一样
就算我点样装出若无其事